Júllabúð tekur yfir rekstur á Brekku

Júlíus Freyr Theodórsson og Elís Árnason skrifa undir samning um leigu Júllabúðar á Brekku

Þarna er komið stórt hjarta sem slær af krafti í miðju þorpinu

, segir Júlíus Freyr Theodórsson eigandi Júllabúðar í Hrísey í samtali við visir.is, en í gær undirritaði hann leigusamning á Brekku, eina veitingahúsinu í plássinu. Mun Júllabúð taka yfir rekstur Brekku allavega næstu fimm árin til að byrja með.

Það er erfitt að reka þetta í sitthvoru lagi.  Við hefðum ekki getað rekið Júllabúð áfram í þeirri mynd sem hún var.

, útskýrir Júlíus sem ávallt er kallaður Júlli.  Hann er ánægður með þetta skrefið sem stigið var í gær.

Nú getum við búið til rekstrarhæfa einingu öllum til hagsbóta.

Brekka er eina veitingahúsið á svæðinu en þar er jafnframt rekið gistihús. Þetta er eitt elsta steikhús landsins, stofnað 1984 og á því 30 ára afmæli í ár. Júllabúð er bæði matvöruverslun og pósthús. Skráður íbúafjöldi í Hrísey er 130 manns sem margfaldast á sumrin.

Það eru margir farfuglar hérna hjá okkur sem stækka markaðinn.

Eigandi Brekku, Elís Árnason, er nágranni Júlla og þeir þekkjast því vel.

Hann býr hérna á móti mér

, segir Júlli og hlær.

Þessi hugmynd kom upp og við gripum tækifærið. Við sjáum mikla möguleika þarna.

Breytingar verða í kjölfar sameiningarinnar og sér Júlli fyrir sér að opnunartími verði lengdur og því skapist rými til þess að fjölga um starfskraft. Því eykur sameiningin þjónustu á svæðinu til muna

Þetta er virkilega jákvætt og skemmtilegt og tryggir bæði verslunarrekstur og veitingahúsarekstur. Við þekktum engan en létum bara vaða. Ég fór í fæðingarorlof, svo fór ég að keyra túrista um eyjuna og eftir það fór ég að vinna í beit. Þá lokaði búðin. Ég er menntaður verslunarstjóri og stökk á það

, útskýrir Júlli.  Júlli hefur búið í Hrísey í tæp fimm ár. Hann flutti þangað með konu sinni sem hóf störf á leikskóla.

Þetta er einhvers konar röð tilviljana. Lífið er víst það sem gerist þegar þú ert að gera önnur plön.

Greint frá á visir.is

Mynd: af facebook síðu Júllabúð Hrísey