Ísland í fimmta sæti

Það fór lítið fyrir honum vini okkar Sigurði Gíslasyni matreiðslumanni á Vox enda hógvær maður að eðlisfari, en hann tók þátt í hinni virtu keppni sem ber heitið „Nordic challenge“, en hún var haldin í Danmörku í Belle Center í Kaupmannahöfn í dag.

Sigurður náði þeim glæsilega árangri að hreppa fimmta sætið af 10 þjóðum. Fjölmargir þungavigtarmenn úr heimi matreiðslumanna voru dómarar og má þar nefna Thomas Rode Andersen frá veitingastaðnum www.konghans.dk , Sturla Birgis en hann ætti nú allir að þekkja www.sturlabirgis.is  , Sami Rekola úr finnska landsliðinu, Eyvind Hellström frá www.bagatelle.no , Mathias Dahlgren eigandi Bon Lloc Stokkhólmi sem er búinn að vera með michelin stjörnu frá því árið 1997 og snillingurinn Régis Marcon frá frakklandi með þriggja michelins stjörnu á veitingastað sínum www.régismarcon.fr ofl.

Sigurður fór með fríðu föruneyti, en þess ber að geta að Sigurður Gíslason og Stefán Viðarsson eiga allan heiður af öllum undirbúningi og framkvæmd fyrir tilstilli Nordica hótel.

Grunnhráefnið var:

Eldað var fyrir 10 manns og einn sýningardiskur.

Forréttur og aðalréttur

Auglýsingapláss

• Norski þorskurinn
• Lambahryggur (3-3.5kg og 7 rif)
• Innmatur ( lifur, lambatunga, lambanýru, hóstakirtill og að minnsta kosti þarf eitt af innmatnum innihalda í réttinum)

Eftirréttur

• Pera
• Bláber
• Mjólk

Við hér hjá Freisting.is óskum Sigurði innilega til hamingju með árangurinn, en myndir frá keppninni eru væntanlegar.

Heimasíða Nordic challenge: www.nordicchallenge.dk

Álit þitt

[email protected]