Ísafjörður | 3. kafli | Veitingarýni: Tjöruhúsið og Talisman

„…. við vorum bókaðir í herbergi hjá engri annari en Ólínu Þorvarðardóttur“

Vöknuðum sprækir um morguninn og skveruðum okkur af og mættum niður í morgunmatinn og gæddum okkur á kræsingunum. Á borðinu var krækiberja- saft og var mér á orði við vertinn að gaman væri að smakka þetta saman með sódavatni, þökkuðum vel fyrir okkur og héldum í átt að Ísafirði.

Fyrst keyrðum við niður á Flateyri og var hugsunin að athuga hvað væri á boðstólunum á Vagninum, en okkur til mikillar leiða var lokað þannig að þá var bara að fara á næsta fjörð en það var Suðureyri þar sem Talisman er öflugur í ferðaiðnaði. Á Talisman var ekki opið í hádeginu, þannig að við völdum að fara yfir á Ísafjörð, koma okkur fyrir og borða hádegisverð þar.

Fórum á Tjöruhúsið og fengum eftirfarandi:

Sjávarréttarsúpa

Sjávarréttarsúpa

Sjávarréttarsúpu í tarínu, diskar og volgt brauð með, þú sérð um að ausa súpunni sjálfur

Mjög góð súpa, matarmikil og brauðið afargott.

Sjávarréttarpanna dagsins með rauðsprettu

Ýsa framreitt með kartöflum, kirsuberjatómötum og salati

Sjávarréttarpönnu dagsins með rauðsprettu og ýsu framreitt með kartöflum, kirsuberjatómötum og salati

Þetta var alveg fantagott, einfalt, hæfilega kryddað og snarkandi heitt.

Fórum við sáttir og leituðum uppi gististaðinn og viti menn þá vorum við bókaðir í herbergi hjá engri annari en Ólínu Þorvarðardóttur, hún var fyrir sunnan þannig að við fengum leiðbeiningu hvernig við kæmust inn í herbergið. Komum okkur fyrir og lögðum við okkur í smátíma eða þar til tími var að fara til Suðureyrar þar sem kvöldverður skyldi snæddur.

Talisman

Talisman

Talisman

Um sexleitið vorum við mættir á Talisman veitingahús og fengum við okkur eftirfarandi:

Steinbítur í rjóma
Pönnusteiktur steinbítur í rjóma og koníakssósu, borið fram með kartöflum

Mjög flott eldaður og milt og gott bragð.

Ýsa, beint af bryggjunni.
Léttsöltuð ýsa með tómat concasse, ólífum og salati

Ekki síðri, ég bað þó um kartöflur aukalega

Rabbabarasinfónía.
Þrenna með stolnum rabbabara úr garði nágrannans. Rabbabara ís, mauk og krem

Það er alveg merkilegt hvað þessi stolni rabbabari var yndislega góður.

Við héldum sáttir yfir á Ísafjörð og sáttir með afrakstur dagsins og vorum fljótir inn í draumaheim næturinnar.

Fleira tengt efni:

Ísafjörður | 1. kafli | Veitingarýni: Café Flóra og Sjávarpakkhúsið

Ísafjörður | 2. kafli | Veitingarýni: Plássið og Hótel Núpur

/Sverrir