Hraði og hreinlæti tryggðu Sævari Helga sigur í barþjónakeppninni – Myndaveisla

Á síðastliðnu þriðjudagskvöldi fór fram einstök keppni í hraða og snyrtimennsku á barnum Jungle, þar sem Barþjónaklúbbur Íslands og Jungle héldu „Espresso Martini Turbo White T-Shirt Speed Round Competition“.

Keppnin snerist ekki aðeins um hraða heldur einnig um fágun og fagmennsku. Markmiðið var að útbúa Espresso Martini með Finlandia og Kahlua á sem skemmstum tíma án þess að sletta eða skilja eftir sig óreiðu á barnum. Hver keppandi fékk afhentan hvítan keppnisbol, og fyrir hvern þann blett sem lenti á keppnisbol hvers keppanda var dregið af einkunnum.

Sigurvegarinn Sævar Helgi Örnólfsson

Alls tóku 36 barþjónar þátt í keppninni og var það Sævar Helgi Örnólfsson, barþjónn á Tipsy, sem stóð uppi sem sigurvegari með óaðfinnanlega frammistöðu. Með hraða, nákvæmni og hreinum bol sigldi hann örugglega til sigurs.

Teitur Riddermann Schiöth forseti Barþjónaklúbbsins var á meðal keppenda

Tómas Kristjánsson framreiðslumeistari.
Meistari í listinni að skenkja – og forðast óþarfa slettur!

Aldur er bara tala – en stundum þarf samt smá upprifjun!

Hver segir að barþjónakeppni sé ekki alvöru íþróttaviðburður?

Myndband

Ef Instagram færslan birtist ekki hér fyrir neðan er ráð að endurhlaða síðuna (e. refresh).

 

View this post on Instagram

 

A post shared by Reykjavík Cocktail Week (@bartendericeland)

Myndir: Ómar Vilhelmsson