Hér eru nöfn keppenda í forkeppni Kokkur ársins 2023

Rúnar Pierre er Kokkur ársins 2022

Keppnin um titilinn Kokkur ársins 2023 verður haldin 1. apríl næstkomandi í Ikea þar sem búast má við bestu kokkar landsins keppi sín á milli.

Forkeppni

Fyrst þurftu keppendur að skila inn uppskrift og mynd af rétt til að komast í forkeppnina (skilafrestur var 15. mars sl.)  sem haldin verður 30. mars nk.

Hver uppskrift þurfti að innihalda bleikju, úthafsrækjur, rauðrófu, bygg og dill.  Valnefnd, skipuð sex faglærðum dómurum, valdi nafnlaust þær uppskriftir sem þóttu lofa góðu þar sem mið var tekið af frumleika, nýtingu á hráefni, gæði ljósmyndar og útliti réttarins.

Nöfn keppenda í forkeppni Kokkur ársins 2023 eru:

• Gabríel Kristinn Bjarnason – Dill restaurant – Ísland.
• Hinrik Örn Lárusson – Lux veitingar – Ísland.
• Hugi Rafn Stefánsson – Lux veitingar – Ísland.
• Iðunn Sigurðardóttir – Brand Hafnartorg Gallerí – Ísland.
• Ísak Aron Jóhannsson – Zak veitingar – Ísland.
• Sindri Guðbrandur Sigurðsson – Flóra veitingar – Ísland.
• Snædís Xyza Mae Ocampo – Ion Hotel – Ísland.
• Sveinn Steinsson – Efla Verkfræðistofa – Ísland.
• Wiktor Pálsson – Speilsalen – Noregur.

Verðlaun

Til mikils er að vinna, en Kokkur ársins 2023 er besti kokkur landslins árið 2023 og hlýtur þátttökurétt fyrir Íslands hönd í Nordic Chef of the Year 2024.

1. sæti – 300.000 kr.
2. sæti – 200.000 kr.
3. sæti – 100.000 kr.

Forkeppni verður haldin í Ikea þann 30.mars og úrslit verða þann 1. apríl.

Það er Klúbbur matreiðslumeistara sem hefur veg og vanda að keppninni.

Mynd: Brynja Kr. Thorlacius