Hendrik framreiðslumaður dæmdur í Héraðsdómi Rvk til 12 mánaða fangelsisvistar

Hendrik Björn Hermannsson framreiðslumaður var í dag dæmdur í Héraðsdómi Reykjavíkur til 12 mánaða fangelsisvistar fyrir fjárdrátt í tengslum við innflutning af 7.224 0,7 lítra flöskum af 37,5% sterku áfengi.

Halldór Leví Björnsson, sem einnig var ákærður af sérstökum saksóknara fyrir aðild sína að málinu, var hins vegar sýknaður vegna þess að ekki tókst að sanna hlutdeild hans að málinu en þeir neituðu báðir sök fyrir héraðsdómi.

Sjá einnig: Hendrik og Halldór Leví ákærðir fyrir fjárdrátt vegna innflutnings á sjö þúsund flöskum af sterku áfengi

Hendrik er annar eigandi Players og var árið 2008 dæmdur til að greiða 77 milljóna króna sekt vegna svika á vörslusköttum, en nánari umfjöllun er hægt að lesa á fréttavefnum visir.is með því að smella hér.