Camden markaðurinn
„Street food“ menning hefur lengst af verið til. Hvar sem þú drepur niður fæti í heiminum finnurðu matarvagn á næsta götuhorni. Á Íslandi er „Bæjarins bestu“ þekktasta framlag „Street food“ menningar, hefur verið við lýði í um 40 ár. Á undanförnum árum hefur matarvögnum, mörkuðum og tjöldum fjölgað hægt og rólega í takt við skemmtilega þróun matvæla víða um heim.
Nýjasta framtakið er matarmarkaður Gerðar Jóns. og Ólafs Ólafssonar, KRÁS, í Fógetagarðinum, sem sýndi og sannaði að þörfin var til staðar og er komin til að vera. Skemmtilegar þjóðlegar matarhátíðir víða um land hafa heppnast vel, t.d. á Ísafirði.
-
-
Tyrkneskur matur
-
-
Sushi
-
-
Rækjur
-
-
Pönnukökur og djús
-
-
Matur frá Póllandi
-
-
Matur frá Perú
-
-
Matur frá Póllandi
-
-
Kökur
Ég bý við hliðina á Camden markaðnum í Norður-London og legg leið mína oft þangað. Ég hef notið þess fylgjast með þeim „suðupotti“ matargerðar sem á sér stað hér í London. Lítil veitingafyrirtæki eru að koma sínum vörum á framfæri og leigja sér bása og tjöld. Þar er lögð alúð og natni í hvern einasta bita. Auk fyrirtækjanna eru líka margir einstaklingar með vagna eða tjöld. Fjölbreytnin er ekki síður spennandi þar sem matarmenning frá öllum heimshornum kemur saman á litlum bletti í tjöldum. Ilminn leggur um svæðið, steikarlykt og kaffiilmur kitla vitin, nú eða ilmur af pönnukökum, brösuðum pólskum pylsum, afrískum pottréttum, kamel- og strútsborgurum, indverskum, spænskum, ítölskum eða asískum mat. Listinn er endalaus. Maður gleymir sér á þessum stað og óskar þess stundum að hafa meira magarými.
-
-
Kjöt
-
-
Sælkera Samlokur
-
-
Jerk stöðin
-
-
Ítalskur matur
-
-
Grísakjöt
-
-
Glútenfrítt
-
-
Tyrkneskur matur
-
-
Lambakjöt
-
-
Amerískur matur
-
-
Allt í rækju
Gæðin eru áberandi enda myndi lítið þýða að bjóða uppá slæmt hráefni. South Bank er líflegur staður um helgar, Á East Bank er hægt að gæða sér á „street food“ alla daga, Portobello markaðurinn sömuleiðis skemmtilegur og ekki er haldin götuhátið án þess að ilmandi matur og drykkir séu í aðalhlutverki. Fyrir ykkur mataráhugafólk er nauðsynlegt að þefa uppi þessa markaði og gæða sér á mat frá öllum heimshornum:
Cheers Garðar Agnarsson