Ert þú áhugasamur ungkokkur?

Hrefna Rósa Sætran er fyrirliði Ungkokka Íslands 2010

Nú er komið að því að taka inn nýja félaga í Ungkokka Íslands sem starfa undir Klúbbi matreiðslumeistara. Markmið klúbbsins er að efla unga matreiðslumenn og nema og bara almenn matargleði. Stefnt er að því að keppa á stórmóti núna í ár. Ungkokkarnir fá t.d.tækifæri á því að vinna með landsliðsmönnunum okkar sem er ómetanleg reynsla.

Í erlendum matreiðslukeppnum sem snúa að ungkokkum eru oft aldurstakmörk en að sjálfsögðu er öllum matreiðslumönnum og matreiðslunemum frjálst að sækja um og vera með í öðrum hlutum sem snúa að hreyfingunni. Áhugasamir einstaklingar eru hvattir til að sækja um en allar umsóknir verða skoðaðar og þeim svarað.

Fullum trúnaði er heitið!

Eftirfarandi kröfur gagnvart umsækjendum eru:

• Vera matreiðslumaður eða á samningi sem matreiðslunemi
• Hafa mikinn áhuga á matreiðslu og því sem henni tengist.
• Hafa gott orðspor í bransanum.
• Hafa 100% uppáskrifað samþykki vinnuveitanda.

Í umsókninni þarf að koma fram nafn, vinnustaður, staða í námi og svo má auðvita skrifa eitthvað skemmtilegt líka.

Áhugasamir sendið umsóknir ykkar á eftirfarandi veffang Hrefna_r@hotmail.com

Umsóknir skulu berast fyrir 28. febrúar 2010. Endilega verið dugleg að segja félögum ykkar í vinnunni og skólanum frá þessari nýju spennandi ungkokka hreyfingu.

Virðingarfyllst
Fyrir hönd KM og Ungkokka KM
Hrefna Rósa Sætran