Eldhús opnað aftur á Prikinu

Breytingar standa nú yfir á veitingahúsinu Prikinu í miðbæ Reykjavíkur, en unnið er að því að standsetja Prikið sem stað á einni hæð. Geoffrey Þ. Huntingdon-Williams, einn eigenda Priksins, greinir frá þessu á Facebook.

Hann segir að eldhús verði opnað aftur og að Vörubílinn fari aftur á seðil, en þar er um að ræða morgunverðardisk með eggjum og beikoni, amerískum pönnukökum, sírópi og steiktum kartöflum.

Prikið fær algera bólstrun og innviðir dekraðir. […] Við tökum stökk og skrúfum aðeins niður í djamminu eins og það hefur verið á staðnum undanfarinn áratug og lengur.

Opnum fyrr, en lokum fyrr. Dúkur í loftinu lagaður, bætt við borðum og ljósum, líftími þessarar stofnunar endurræstur, Prikið þúsund ár og allt það.“

Mynd: Shutterstock