Athugasemd frá Klúbbi matreiðslumeistara

Í nýlegu fréttabréfi SAF (Samtaka ferðaþjónustunnar) var fjallað um opnun á glæsilegu æfingaeldhúsi Bocuse d´or akademíunnar og Fastus ehf. Þar sem fulltrúi Íslands í þessari heimsþekktu keppni æfir af kappi.
Í greininni kemur fram að þetta sé í fyrsta skipti sem sérstakt æfingaeldhús er sett upp sérstaklega í þessum tilgangi.  Stjórn Klúbbs matreiðslumeistara lýsir yfir undrun á slíkum rangfærslum og áhyggjum af skammtímaminni aðstandenda og samstarfsmanna akademíunnar.  Þegar Hákon Már Örvarsson æfði fyrir þessa miklu keppni fyrir nokkrum árum var í fyrsta sinn sett upp sérstakt æfingaeldhús hjá heildversluninni Ísberg þar sem Hákon æfði við mjög góðar aðstæður, enda náði hann sögulegum árangri í keppninni.  Eigendur og starfsmenn Ísbergs stóðu að því með miklum glæsibrag og er klúbburinn þeim ævinlega þakklátur fyrir.

F.h. stjórnar Klúbbs matreiðslumeistara
Ingvar Sigurðsson
Forseti