Heimssamtök matreiðslumanna með PopUp í Póllandi – Gísli verður gestakokkur á Biala Roza

Mynd: facebook / Slow Food Masterclass Kraków

Gísli Matthías Auðunsson matreiðlumeistari verður gestakokkur á veitingahúsinu Biala Roza í Kraká í Póllandi, 25. apríl næstkomandi. Tilefnið er Slow Food Masterclass sem stendur yfir frá núna í apríl til nóvember en Kraká var útnefnt matarmenningarhöfuðborg Evrópu 2019 af European Academy of Gastronomy.

Gísli er meðlimur í Chefs’ Alliance á Íslandi, sem er heimssamtök matreiðslumanna og kokka sem fylgja meginreglunum um góða, hreina og sanngjarna matargerðarlist. Chefs’ Alliance samanstendur af yfir 1.100 matreiðslumönnum frá fimm heimsálfum.

Gísli verður gestakokkur á Biala Roza.
Mynd: restauracjabialaroza.pl

Þeir matreiðslumenn sem verða gestakokkar á veitingastöðum í Kraká vegna Slow Food Masterclass eru:

• Gísli Matthías Auðunsson (Íslandi) – 25. apríl á veitingahúsinu Biala Róza.
• Tiziana Tacchi (Ítalíu) – 18. júní, á veitingahúsinu Bianca.
• Christophe Lancon og Jérome Koehler (Frakklandi) – í síðustu vikunni í júní, staðsetning er óákveðin.
• Peter McKenna (Skotlandi) – 26. september, á veitingastaðnum Na Pole.
• Luka Lubke og Barbara Stadler – 5 11, staðsetning er óákveðin.

Slow Food eru alþjóðleg grasrótarsamtök og eru yfir ein milljón aðgerðasinna, matreiðslumenn, sérfræðingar, ungt áhugafólk um mat, bændur, sjómenn og fræðimenn og eru yfir 160 lönd sem taka þátt í Slow Food.

Slow Food Chefs‘ Alliance er eins áður segir heimssamtök matreiðslumanna og kokka og er starfrækt í 24 löndum, Albaníu, Argentínu, Belgíu, Brasilíu, Burkína Fasó, Kanada, Kólumbíu, Kúbú, Ekvador, Frakklandi, Þýskalandi, Íslandi, Indlandi, Ítalíu, Kenýa, Marokkó, Mexíkó, Hollandi, Rússlandi, Suður-Afríku, Úganda, Bretlandi, Úkraína og Bandaríkjunum.