Fiskverslunin og sjávarréttastaðurinn Beint úr sjó flytur

Beint úr sjó við Hafnargötu 29
Beint úr sjó býður einnig upp á fyrirtækjaþjónustu og senda fisk og sushi í mötuneyti hjá stórum sem litlum fyrirtækjum og veitingastöðum.
Mynd tekin rétt fyrir opnun: facebook / Beint úr sjó

Fiskverslunin og sjávarrétta-veitingastaðurinn Beint úr sjó opnaði á nýjum stað nú á dögunum, en staðurinn var staðsettur í verslunarkjarnanum við Fitjar og hefur komið sér fyrir í miðbæ Reykjanesbæjar við Hafnargötu 29.

Magnús Heimisson, Arnar Ingólfsson og Bjarni Geir Lúðvíksson.
Mynd tekin í júlí 2015, en Arnar hjálpaði þeim félögum Magnúsi og Bjarna við opnun Beint úr sjó á Fitjum við gerð á sushi, fiskréttum ofl.
Mynd: Smári / Veitingageirinn.is

Eigendur eru Bjarni Geir Lúðvíksson og Magnús Heimisson, en þeir eiga jafnframt fiskvinnslu í Sandgerði og vinna allar vörurnar fyrir fiskverslunina þar og hindra þar með alla slorlykt eða óhreinindi á veitingastaðnum sem oft vill fylgja fiskverslunum.

Beint úr sjó býður meðal annars upp á tilbúna fiskrétti þar sem hægt er að setja í ofn þegar heim kemur.
Mynd: Smári / Veitingageirinn.is

Sushi hjá Beint úr sjó

Sushi-ið er mjög vinsælt hjá Beint úr sjó

Fiskverslunin og veitingastaðurinn tekur 30 manns í sæti og býður upp á hefðbundinn hversdagsmat ýsu, gellur, plokkfisk, fiskibollur og nútímalega rétti í fiskborðinu.  Matseðillinn er orðinn fjölbreyttari, en þar má finna fish & chips, humarsúpu, sjávarréttasúpu, að ógleymdu sushi-inu sem er mjög vinsæll réttur hjá þeim félögum en hingað til hefur gott sushi ekki verið í boði í verslunum á öllu Reykjanesinu og hafa sushi unnendur þurft að keyra til Reykjavíkur til að versla sér gott sushi.  Beint úr sjó býður upp á léttvín fyrir þá sem vilja.