Samstarf Kjarnafæðis og KM

Á síðasta klúbbfundi í hinum glæsilega Turni við Smáratorg var undirritaður styrktar og samstarfssamningur milli Kjarnafæðis og Klúbbs matreiðslumeistara.  Er þetta mjög góður samningur fyrir báða aðila.  Kjarnafæði er stórt og öflugt fyrirtæki á kjötmarkaði sem hefur stækkað hratt undanfarin ár og stóran kúnnahóp meðal félaga í Klúbbi matreiðslumeistara.  Kjarnafæði ætlar sér stóra hluti í framtíðinni og er stjórn klúbbsins ákaflega ánægð með að hafa svo öflugan bakhjarl og samstarfsaðila.   Fyrirtækið framleiðir mikið úrval af hverskyns kjötvöru með gæði og vöruvöndun að leiðarljósi enda hlotið margvísleg verðlaun fyrir framleiðslu sína.  Kjarnafæði er löngu þekkt fyrir gæðavörur á mjög góðu verði.

Sem fyrr eru félagsmenn hvattir til að beina viðskiptum sínum til styrktaraðila klúbbsins.