Siggi og Stulli gestakokkar í Finnlandi

Stund á milli stríða
Food camp matreiðslumennirnir ásamt aðstoðarmönnum á sameiginlegum kvöldverði
Sjá má Sturla og Sigurð hér fyrir miðju

Sturla Birgisson á leið á andaveiðar

Í dag hefst viðburður í Finnlandi þar sem unnendur matar, drykkjar og list hittast og er þetta í fyrsta sinn sem að þessi viðburður er haldin sem heitir Food Camp.  Það er finnski Bocuse d’Or dómarinn Pekka Terävä sem á veg og vanda að skipulagningu á viðburðinum sem hefst eins og áður segir í dag og lýkur á laugardaginn 30. ágúst næstkomandi.  Pekka Terävä á og rekur Michelin veitingastaðinn Olo í Helsinki og annan veitingastað er nefnist Emo.

Viðburðurinn fer fram í listagalleríinu – Serlachius Museum Gösta í Mänttä, sunnarlega í finnlandi og eru 9 matreiðslumenn sem taka þátt sem koma til með að bjóða upp á níu rétta hátíðarkvöldverð og verður hver og einn með sinn rétt.  Sætafjöldi er takmarkaður og miðaverð er 452,60 evrur eða um 70 þúsund krónur íslenskar.

Sigurður Helgason Bocuse d´Or keppandi og íslenski Bocuse d´Or dómarinn Sturla Birgisson eru á meðal gestakokkana, en þeir koma til með að bjóða upp á millirétt sem saman stendur af Villiönd með kóngasveppum úr Skorradal, rjúpusósu, þurrkuð aðalbláber, íslensk einiber, blóðberg og grenilolíu.

Hér má sjá myndband um Food Camp:

Hópmynd: af facebook síðu Food Camp

Aðrar myndir, instagram: Sigurður Helgason

/Smári