Þórir: „Allir eiga að fá tækifæri“

Þórir Erlingsson, forseti Klúbbs matreiðslumeistara

Matreiðslumeistarinn og forseti Klúbbs matreiðslumeistara, Þórir Erlingsson, hefur undanfarna mánuði kennt matreiðslu á fangelsinu Sogni samhliða öðrum störfum sínum. Í viðtali við mbl.is segir hann verkefnið bæði gefandi og mikilvægt, enda telji hann menntun skipta sköpum þegar kemur að betrun og nýjum tækifærum fyrir fólk í afplánun.

Þórir, sem einnig kennir við Fjölbrautaskóla Suðurlands, segir að áhuginn á verkefninu hafi kviknað strax þegar honum bauðst að kenna inni í fangelsinu. Hann bendir á að mikilvægt sé að fangelsi séu ekki eingöngu staðir þar sem fólk afplánar refsingu, heldur einnig vettvangur þar sem einstaklingar geti byggt sig upp á ný.

Í viðtalinu segir hann matreiðsluna hafa sérstakt gildi í slíku umhverfi. Samvera í eldhúsinu, samvinna og góður matur geti haft meiri áhrif en margir geri sér grein fyrir. Þá hafi honum komið á óvart hversu mikill áhugi sé meðal vistmanna á Sogni og hversu vel sé mætt í tímana.

Þórir segir einnig mikilvægt að brjóta niður fordóma gagnvart fólki í afplánun. Að hans sögn séu þetta „venjulegar“ manneskjur með húmor, hæfileika og drauma eins og aðrir, og að allir eigi skilið tækifæri til að bæta sig og hefja nýjan kafla í lífinu.

„Allir eiga að fá tækifæri,“ segir Þórir meðal annars í viðtalinu.

Lesa má viðtalið í heild sinni á mbl.is.

Mynd: Mummi Lú