Karl K. Karlsson flytur höfuðstöðvar sínar að Nýbýlavegi 4

Við hjá Karli K. Karlssyni ehf höfum flutt höfuðstöðvar okkar að Nýbýlavegi 4, í Kópavogi (gamla Toyotahúsið). Þar höfum við fundið okkur bjartan og skemmtilegan stað fyrir skrifstofu okkar sem hefur einnig þann kost að vera miðsvæðis á höfuðborgarsvæðinu. Með þessum breytingum erum við m.a. að auka hagkvæmni í rekstri og þ.a.l. þjónustu við viðskiptavini okkar.

Samhliða þessum breytingum höfum við einnig flutt vöruhús okkar á Vöruhótel Samskipa en áfram sjáum við þó sjálf um útkeyrslu á vörum okkar að stærstum hluta. Það er okkar mat og von að þú kæri viðskiptavinur finnir ekki fyrir neinni breytingu í okkar þjónustu nema hvað að pantanir verða í flestum tilfellum að berast okkur með dags fyrirvara sem er sá háttur sem mörg önnur fyrirtæki notast við.

Karl K. Karlsson er staðsett á allri efri hæðinni

Við starfsfólk Karls K. Karlssonar erum öll að venjast nýrri staðsetningu og þ.a.l. nýjum verkferlum með tilkomu þessu breytta vöruhúsakerfi og óskum við eftir skilning viðskiptavina okkar á meðan svo er. Þó viljum við endilega heyra frá þér ef þú hefur ábendingar um eitthvað sem betur mætti fara.

Þér er auðvitað velkomið að kíkja á okkur þegar þú vilt og þiggja hjá okkur LavAzza kaffisopa og skoða okkar nýju húsakynni hvenær sem er.

Með kveðju,
Starfsfólk Karls. K. Karlssonar.