Walter Gräper 100 ára og starfar enn sem bakari – Vídeó

Walter Gräper er ávallt glaðlegur og hress

Í bænum Bad Segeberg í norður þýskalandi nánar tiltekið í Slésvík- Holstein býr bakarameistarinn Walter Gräper en fyrir tveimur árum fjallaði veitingageirinn.is um meistarann þegar hann var 98 ára.

Skrunið niður til að horfa á myndband.

Walter bakar í hverri viku eftir leynilegri fjölskyldu uppskrift svo kallaðar “Hefe Kringler”, og hefur hann bakað þær frá árinu 1951 en hann fagnaði 100 ára afmæli nú á dögunum og er enn í fullu fjöri.

Walter Gräper fagnar hvorki meira né minna en 100 ára afmæli sínu og virðist hvergi hættur þrátt fyrir háan aldur

„Hefe Kringler“ í vinnslu

Kringlurnar fullbakaðar

Sjá einnig: 98 ára bakari í fullu fjöri og bakar eftir leynilegri fjölskyldu uppskrift

Walter Gräper hóf nám í bakaraiðn árið 1936, eða fyrir heilum 80 árum síðan. Þó hann hafi náð þetta háum aldri þá er hann hvergi tilbúinn að leggja árar í bát og vinnur enn tvo daga í viku í bakaríi sínu.

Hér er Walter Gräper á yngri árum að fræða börnin um bakaríið og starfsemi þess

Walter Gräper heilsar upp á krakkana, en hjá skólum eru vettvangsferðir í bakaríið mjög vinsælar þar sem börnin fá innsýn í starf bakarans. Sú hefð hefur haldist í tugi ára

Vídeó

Í meðfylgjandi myndbandi er hægt að horfa á þátt um bakaríið og Walter Gräper á þýsku:

https://www.youtube.com/watch?v=DP79v1Ccb8w

Myndir: skjáskot úr myndbandi