Vel mætt á aðalfund Barþjónaklúbbs Íslands – Nýtt fríðindakerfi fyrir meðlimi klúbbsins – Myndir

Hluti af stjórn – frá vinstri – Elna María Tómasdóttir (varaforseti), Svavar Helgi Ernuson (endurkjörin meðstjórnandi), Elvar Halldór Hróarr Sigurðsson (endurkjörinn meðstjórnandi), Ivan Svanur Corvasce (endurkjörinn meðstjórnandi og ritari), Teitur Riddermann Schiöth (forseti) og Helgi Aron Ágústsson (meðstjórnandi)

Aðalfundur Barþjónaklúbbs Íslands var haldin síðastliðinn þriðjudag í kjallaranum á Sæta Svíninu. Vel var mætt á fundinn og er gaman að sjá mikla grósku barmenningu í borginni. Kynnt var nýtt fríðindakerfi fyrir meðlimi klúbbsins, þar sem hægt er að nálgast afslætti og tilboð hjá samstarfsaðilum.

Samhliða aðalfundarins var haldin keppnin um titilinn Hrtaðasti Barþjónninn 2024.

Sjá einnig: Ingi Þór Einarsson á Útópía er hraðasti Barþjónn Íslands

Afslættirnir eru listaðir í notendavænu ,,appi‘‘ í vafra, áhugasamir geta nálgast ,,appið‘‘ á bar.is. Gaman er að segja frá því að félagar klúbbsins njóta fleiri fríðinda en þeir hafa gert í mörg ár, þó er helsti kosturinn að vera hluti af samfélagi sem hefur barmennsku að sameiginlegu áhugamáli.

Allir sem brenna fyrir því að efla barmenningu í borginn geta sótt um í klúbbinn og er það gert á bar.is.

Kosið var um 4 stjórnarmeðlimi og 2 varamenn á fundinum. Einnig var kosið um nýjan gjaldkera úr hagsmunaráði klúbbsins.  Allir sem voru áður í stjórn buðu sig fram aftur, engin bauð sig fram á móti og því helst stjórn BCI sú sama, þó með tvo nýja varamenn og nýjan gjaldkera.

Stjórn Barþjónaklúbbs Íslands skipar því:

Teitur Riddermann Schiöth – Forseti

Elna María Tómasdóttir – Varaforseti

Ivan Svanur Corvascé – Ritari

Grétar Matthíasson – Meðstjórnandi

Helgi Aron Ágústsson – Meðstjórnandi

Svavar Helgi Ernuson – Meðstjórnandi

Elvar Halldór Hróarr Sigurðsson – Meðstjórnandi

Jón Helgi Guðmundsson – Varamaður

Bjartur Dalberg – Varamaður

Jónína Unnur Gunnarsdóttir – Gjaldkeri

Myndir: Ómar Vilhelmsson