Það er kjaftur á keilunni þegar hún gapir – Öðruvísi og skemmtileg kynning á rétti dagsins á Restó

Það var nú í nóvember s.l. sem að Jóhann Helgi Jóhannesson matreiðslumeistari ásamt eiginkonu sinni, Ragnheiði Helenu Eðvarsdóttur opnuðu nýjan veitingastað þar sem Madonna á Rauðarárstíg var áður til húsa og heitir staðurinn Restó.

Jóhann hefur starfað í Ostabúðinni á Skólavörðustíg, hjá Rúnari Marvinssyni Við Tjörnina og Leifi Kolbeinssyni á La Primavera sem var og hét.

Matseðillinn á Restó

Það þekkja það nú margir sem eru á samfélagsmiðlinum facebook að sjá tilkynningar á réttum dagsins frá veitingahúsum og eru margar stöðufærslur svipaðar og lítið um fjölbreyttni á uppsetningu.

Jóhann er með aðra og skemmtilega nálgun á því að kynna rétt dagsins, en hann birtir vídeó og fróðleik um hráefnið í rétti dagsins og eru margir gullmolar í myndböndunum, t.a.m.:

– Í dag verður boðið upp á rauðsprettu á Restó. Við minnum á það að það er álíka gáfulegt að borða ekki roðið af rauðsprettunni og panta sér kaffi og koníak og hella koníakinu.

– Það er kjaftur á keilunni þegar hún gapir. En hún gapir ekki lengur heldur verður steikt á snarpheitri pönnunni.

– Gamli úlfurinn er kominn úr sauðagærunni.

– Steiktur lax er sælgætið, sérhver maður borða skal. Spínat, salat, meðlætið. Salsa verði viðbitið.

Hér að neðan eru nokkrir réttir dagsins sem einnig er hægt að nálgast á facebook síðu Restó:

Myndir: af facebook síðu Restó.

/Smári