Sjá fyrir endann á töfum við opnun mathallar

Það styttist í að sælkerar og soltnir borgarbúar geti hópast á Hlemm – ekki til að taka strætó, heldur gæða sér á hvers kyns kræsingum. Kaupmenn í mathöllinni eru þó orðnir langeygir eftir því að opna, því það hefur tafist um tæpt ár.

Sjá einnig: Hlemmur í biðstöðu – Myndir

Sjá einnig á visir.is: Tafir á opnun Mathallar á Hlemmi: Smá pirringur en enginn hætt við

Hlemmur Mathöll átti að vera opnuð síðasta haust en opnun var frestað fram til sumars 2017. Opna átti dyrnar fyrir almenningi í júní síðastliðnum en enn standa dyrnar lokaðar. Ýmsar ástæður eru fyrir töfunum. Erfiðlega hefur gengið að fá tilskilin leyfi og rafmagnsþörf hafði verið vanmetin.

„Þar er margt sem kemur til, það er aðallega kannski eitthvað vanmetið upphaflega hvað þyrfti að gera fyrir húsið þegar er verið að breyta því svona í nýtt hlutverk, til dæmis með þakið og annað slíkt sem þurfti að taka í gegn. En nú er þetta á síðustu metrunum og lítur út fyrir að við náum þessu aðra vikuna í ágúst og bara allir mjög spenntir sem koma að þessu“

, sagði Ragnar Egilsson, framkvæmdastjóri Hlemms Mathallar í samtali við ruv.is sem fjallar nánar um opnunina hér.

Sjá einnig á visir.is: Tafir á opnun Mathallar á Hlemmi: Smá pirringur en enginn hætt við

Mynd: reykjavik.is