Reynir hættir á Loftleiðum

Reynir Magnússon, yfirmatreiðslumeistari á Loftleiðum hefur sagt upp störfum og hefur ráðið sig í innkaupadeild Dreifingar.

Við starfi Reynis sem yfirmatreiðslumaður á Loftleiðum, tekur Kjartan Marínó Kjartansson. Kjartan starfar nú á Nordica Hótel veislueldhúsi og verður að vinna út júní þar, en Kjartan hóf samt sem áður störf í dag á Loftleiðum og verður næsta mánuð að koma sér fyrir á nýja staðnum.

JT veitingar tóku við rekstri veitingasala Hótels Loftleiða haustið 2000. JT veitingar er í eigu framreiðslumeistarana Jón Ögmundsson og Trausta Víglundsson. Báðir hafa þeir áratuga reynslu af veitingastörfum og rekstri á því sviði. Jón er framkvæmdastjóri. Hann starfaði áður sem veitingastjóri á Hótel Esju og Hótel Loftleiðum, þar sem hann hefur einnig verið ráðstefnustjóri. Trausti er yfirveitingastjóri á Hótel Loftleiðum. Hann starfaði um áratugaskeið á Hótel Sögu, m.a. sem veitingastjóri.