Nýr veitingastaður – Jörgensen Kitchen & Bar

Yfirmatreiðslumeistari Jörgensen Jóhann Ingi Reynisson

Jörgensen Kitchen & Bar er nýr og spennandi veitingastaður staðsettur á Laugavegi 120. Matseðilinn á Jörgensen er spennandi hugarflug yfirmatreiðslumeistarans; Jóhanns Inga eins og sjá má hér, en hann samanstendur af úrvali af skemmtilegum réttum gerðum úr fersku íslensku hráefni sem blandað er saman með alþjóðlegu tvisti.

Á Jörgensen Kitchen & Bar er hægt að taka allt að 54 gesti í sitjandi borðhald.

Á Jörgensen Bar er meðal annars boðið upp á fjölbreyttan Street Food matseðil sem sjá má hér, en götumatur eða Street food hefur notið mikilla vinsælda hér á landi. Miðað við lesturinn á matseðlinum þá er greinilega tilvalið að njóta götumatinn með drykkjum á Happy Hour strax eftir vinnu í góðra vina hópi en Happy Hour á Jörgensen er alla daga vikunnar milli kl. 17:00 og 19:00.  Flottur og fjölbreyttur kokkteil-, og vínseðill er á boðstólnum.

Jörgensen er einnig tilvalinn staður fyrir stærri og smærri hópa þar sem gert er einstaklega mikið úr matarupplifuninni fyrir hópana og er matreiðslan sem og framsetningin á matnum uppsett þannig að hópurinn nýtur matsins og upplifunarinnar á einstaklega skemmtilegan hátt.

Jörgensen opnar klukkan 11:30 með síbreytilegum hádegisréttum alla daga vikunnar. Eldhúsið er svo opið til klukkan 22:00.

Eins og áður segir þá er yfirmatreiðslumeistari Jörgensen Jóhann Ingi Reynisson og veitingastjórinn heitir Smári Helgason. Báðir tveir búa yfir yfirgripsmikilli reynslu matreiðslu- og veitingahúsastjórar á Íslandi sem og erlendis.

Skemmtilegt concept í gangi hér, sem vert er að kíkja á.

Heimasíða: www.jorgensenkitchen.is

Facebook: www.facebook.com/jorgensenkitchen

Instagram: www.instagram.com/jorgensenkitchen