Nýtt bakarí, veitingahús, fisk- og kjötbúð og hótel
Nýr matarvagn í Reykjavík – Býður upp á íslenskan fisk og franskar (Fish and Chips) að breskri fyrirmynd
Nýr Fish & Chips (fiskur og franskar) vagn, sem smíðaður var í Bretlandi, hefur hafið starfsemi í Reykjavík. Vagninn er í eigu þriggja fjölskyldna, sem allar hafa búið í Englandi um árabil og starfað þar við sölu og markaðssetningu íslenskra sjávarafurða.

Tveir eigendanna og fyrstu tveir viðskiptavinirnir.
Frá vinstri Benedikt Sveinsson, Höskuldur Ásgeirsson, María S. Þorbjörnsdóttir og Þórir Haraldsson. Þriðji eigandinn, Pétur Björnsson, er staddur erlendis.
Markmiðið er að bjóða viðskiptavinum upp á fyrsta flokks íslenskan fisk og franskar (Fish and Chips) að breskri fyrirmynd, en á Bretlandseyjum eru um 10.500 Fish and Chips veitingastaðir og vagnar, sem mjög margir nota eingöngu íslenskan fisk, að því er fram kemur í fréttatilkynningu. Fish and Chips er einn af þjóðarréttum Breta og nýtur síaukinna vinsælda.
Fish and Chips Vagninn er aðili að landssamtökum Fish and Chips veitingastaðanna í Bretlandi (National Federation of Fish Friers), sem stofnuð voru árið 1913 og nýtur aðstoðar samtakanna við reksturinn hér á landi.

Hilmar B. Jónsson matreiðslumeistari við störf í vagninum. Þar eru þrír steikingapottar og fleiri græjur sem myndu sóma sér vel í hvaða eldhúsi sem er.
Hilmar B. Jónsson, matreiðslumeistari, sem starfað hefur í áratugi bæði austanhafs og vestan, einkum við kynningu á íslenskum gæðafiski til notkunar í Fish and Chips rétti, hefur verið eigendum innan handar við skipulagningu og undirbúning þessa verkefnis og mun fylgja því fyrstu skrefin.
Fish & Chips Vagninn er staðsettur í Vesturbugt í Reykjavík, rétt vestan við gamla slippinn, frá kl. 11 að morgni til kl. 21 á kvöldin og á Lækjartorgi við hliðina á Héraðsdómi Reykjavíkur frá kl. 22 að kvöldi og fram á nótt.

Fish and Chips vagninn er staðsettur í Vesturbugt í Reykjavík, rétt vestan við gamla slippinn, frá kl. 11 að morgni til kl. 21 á kvöldin og á Lækjartorgi í Reykjavík frá kl. 22 að kvöldi og fram á nótt.

„Við fengum góð viðbrögð viðskiptavina og þótti vænt um lofsamleg ummæli um matinn“, segir í tilkynningu. Fish and Chips vagninn var formlega opnaður á sjálfum baráttudegi verkalýðsins 1. maí s.l.
Maturinn er borinn fram í vönduðum umbúðum og hægt að borða hann á staðnum, í bílnum eða taka með sér heim.
Myndir af facebook síðu Fish and chips.

-
Markaðurinn5 dagar síðan
Matreiðslumaður óskast á veitingahúsið Sauðá á Sauðárkróki
-
Viðtöl, örfréttir & frumraun3 dagar síðan
Centrum stækkar með nýrri viðbót í gamla Pósthúsbarnum
-
Keppni3 dagar síðan
Dagur Jakobsson sigraði í Graham’s Blend Series Kokteil keppninni – Myndir og vídeó
-
Keppni3 dagar síðan
Hraði og hreinlæti tryggðu Sævari Helga sigur í barþjónakeppninni – Myndaveisla
-
Vín, drykkir og keppni5 dagar síðan
Einstök keppni í dag á Gilligogg – hver hristir besta kokteilinn í Graham’s Blend Series?
-
Markaðurinn5 dagar síðan
Ostakubbur bakaður með eggjum – einföld og dásamleg uppskrift
-
Nemendur & nemakeppni3 dagar síðan
Áhugaverð atvinnutækifæri: Veitingastaðir leita að metnaðarfullum nemum
-
Markaðurinn5 dagar síðan
Þjónar og barþjónar óskast – spennandi tækifæri