La Primavera í Hörpu

„Ég segi það alltaf að La Primavera sé 25 ára þótt á ýmsu hafi gengið frá því að við opnuðum í Austurstrætinu árið 1996,“

segir Leifur Kolbeinsson veitingamaður í samtali við Morgunblaðið.

La Primavera verður staðsett á fjórðu hæð Hörpu.

Nú standa yfir viðamiklar breytingar á hinu magnaða rými sem hýst hefur veitingastaðinn Kolabrautina frá árinu 2011, þ.e. frá því að nýja tónlistar- og ráðstefnuhöllin opnaði dyr sínar fyrir gestum í fyrsta sinn.

Leifur Kolbeinsson (t.h.)

Leifur hefur ásamt sínu fólki tekið ákvörðun um að nú verði settur punktur aftan við sögu Kolabrautarinnar og að þess í stað færi La Primavera út kvíarnar en þann stað endurvakti hann eftir nokkurra ára hlé í Marshallhúsinu á Granda.

„Þar byrjuðum við með veitingastað sem var kenndur við húsið sjálft. Svo ákváðum við að standa fyrir þriggja mánaða pop-up veitingastað SOE sem Viktoría Elíasdóttir rekur í Berlín (staðurinn er kenndur við listastúdíó bróður hennar, Ólafs Elíassonar).

Það gekk svo ljómandi vel að ég ákvað að efna til þriggja mánaða pop-up-viðburðar með La Primavera og þannig hefur það haldið áfram frá 2018,“

segir Leifur og brosir í kampinn.

„Spennandi tímar framundan. La Primavera verður nú á tveimur stöðum, í Marshall húsinu og Hörpu.“

Skrifar La Primavera á facebook.

Viðtalið við Leif má lesa í Morgun­blaðinu í dag.

Myndir: úr safni