Keppni í „Kvöldmatur á korteri með íslensku lambi“ á Matarmarkaði Íslands í Hörpu 8. mars.

Matarmarkaður Íslands í samstarfi við Íslenskt lambakjöt leita að þátttakendum í “Kvöldmatur á korteri með íslensku lambi”. Hversdags matreiðslukeppni á Matarmarkaði Íslands í Hörpu.

Keppni fyrir alla sem elska íslenska lambið hvort sem það eru áhugakokkar og/eða uppteknir foreldrar, ömmur afar, krakkar og kvár. Það er  auðvelt að elda lamb.

Við viljum sýna að lambið er fljóteldað og auðvelt þegar réttir bitar eru í boði fyrir neytendur. Korter getur vel dugað til að framreiða hollan, fallegan og góðan lambarétt fyrir fjölskylduna og það má gera mistök – því íslenska lambakjötið fyrirgefur.

Skilgreining á verkefninu: 

Einfaldur lambaréttur er eldaður og framreiddur á korteri, eitthvað sem við öll gætum snarað fram á virkum degi. Enda þarf hvorki að vera flókið né tímafrekt að elda íslenskt lambakjöt fyrir sig og sína. Þrír skammtar af lambakjöti eru settir á diska fyrir dómnefnd. Réttirnir geta verið hvernig sem er og sótt innblástur í gömlu og góðu réttina hennar ömmu eða kannski til framandi slóða t.d: Steik, pottréttir, súpur og salöt.

Keppnisreglur:

Hver keppandi/lið getur verið einstaklingur eða tveggja manna lið.

Lagt er upp með að elda rétt sem passar uppteknu nútímafólki í dagsins önn.

Nota skylduhráefni: Lamba “mínútusteik sem eru þunnar sneiðar úr innralæri, kjötið má skera hvernig sem er fyrir eldun.

Nota eldunaráhöld og diska sem keppnishaldari skaffar. Nánar. Keppnisreglur + hráefni + eldunaráhöld

Annað hráefni, grænmeti, krydd, tilbúnar sósur o.fl. vörur koma keppendur sjálfir með.

Grænmeti skal skera innan keppnis tímans.

Elda af ástríðu og gleði á korteri.

Skila 3 skömmtum/diskum til dómara.

Dómarar gefa stig á eftirfarandi hátt:

20% vinnubrögð í eldhúsi, snyrtilegt, skemmtilegt

20% útlit réttarins

60% bragð

Praktískar upplýsingar

Keppnin fer fram  8. mars.

11:30 Mæting keppenda

11:35 Setning

12:00 Fyrra 5 manna holl byrjar að elda

13:00 Seinna 5 manna holl byrjar að elda

13:30 Verðlaunaafhending

Skráning hér.

*Ath haft verður samband við þau sem veljast í keppni að þessu sinni.

Verðlaun. 

1. Verðlaun gjafabréf gisting á Brúnastöðum fyrir alla fjölskylduna í 2 nætur & sauðfjárdagatöl Karólínu í Hvammshlíð

Þátttökuverðlaun, vörur af markaðnum & sauðfjárdagatöl Karólínu í Hvammshlíð.

Dómnefnd. 

Björn Skúlason eiginmaður forseta

Shruthi Basappa matarblaðamaður og arkitekt

Tjörvi Bjarnason eigandi Matlands

Sævar Helgi Bragason / “Stjörnu-Sævar”