Hagstofustjóri verður formaður matvælanefndar

Hallgrímur Snorrason, hagstofustjóri, mun gegna formennsku í matvælanefnd forsætisráðherra. Nefndinni verður falið að skoða hvers vegna matvælaverð á Íslandi er mun hærra en í nágrannaríkjunum.

Halldór Ásgrímsson, forsætisráðherra, sagði í áramótaávarpi sínu að í nefndinni myndu sitja fulltrúar stjórnvalda, aðila vinnumarkaðarins og samtaka bænda. Nefndinni er jafnframt falið að gera tillögur um úrbætur til hagsbóta fyrir fjölskyldurnar í landinu. NFS voru veittar rangar upplýsingar um að Ásmundur Stefánsson, ríkissáttasemjari, yrði formaður matvælanefndarinnar. Ásmundur verður í forsvari fyrir nefnd stjórnvalda og landssambands eldri borgara um málefni aldraðra.

Greint frá á Visir.is

[email protected]