Aukin áhersla á íslenska gæðaframleiðslu

Sigurður Kjartansson söluráðgjafi tók fyrstu skóflustunguna

Skóflustunga að nýju húsi var tekin hjá Tandri á dögunum og markar hún ný tímamót í sögu fyrirtækisins. Með nýju húsi getur fyrirtækið aukið stórkostlega við framleiðslu sína á íslenskum vörum en samhliða nýju húsi verður framleiðslulína fyrirtækisins endurnýjuð og stækkuð.

Það er hugur Tandurs að vera leiðandi í framleiðslu hreinlætisvara sem endurspegla gæði og umhverfisvernd.

Framkvæmdir eru nú þegar hafnar og eru áætluð verklok í september.