Alba á Restaurant Vox vinnur Vínþjónakeppnina

Þorleifur Sigurbjörnsson formaður VSÍ og Elísabet Alba Valdimarsdóttir með verðlaunagripinn

Haldin var Vínþjónakeppni á vegum Vínþjónasamtakanna sunnudaginn 29. apríl á Hótel Reykjavík Centrum þar sem öll aðstaða var til fyrirmyndar og starfsfólkið einstaklega hjálpsamt. Þema var Frakkland og keppendur þurftu að svara skriflega 40 spurningum, smakka blint á nokkrum vínum, umhella, bjóða vínum með matseðli, sýna fagleg vinnubrögð og þekkingu. Elísabet Alba Valdimarsdóttir, Sommelier à Restaurant Vox, vann keppnina með yfirburði, Dagný Baldursdóttir, nemi á 2. ári í HMÍ vann það afrek að vera í 2. sæti og Hróðmar Eydal í því 3.

Haraldur A. Haraldsson hjá Sigga Hall og Guðlaugur S. Hannesson á Vox voru í 4. og 5. sæti, og öll eiga hrós skilið fyrir að hafa lagt að sér lestur og æfingar og tekið einn sunnudag frá til að taka þátt í keppninni. Vegleg verðlaun veitti Chapoutier Vínhúsið frá Rhône dalnum, sem hefur ætíð staðið á baki ungþjóna í Frakklandi með því að standa fyrir Ungþjónakeppni.

Alba fékk einnig bikar sem Vínþjónn Ársins 2006 og fer hún hún von bráðar til Rhodos í Heimsmeistarakeppni Vínþjóna.

Segðu þína skoðun

Smellið hér til að skoða myndir frá keppninni

Mbl.is, sjá nánar hér

Vinskolinn.is, sjá nánar hér

Fréttablaðið, sjá nánar hér