Madonna með sitt eigið vín

Poppdrottningin Madonna hefur uppi áform um að setja á markað sitt eigið rauðvín á næsta ári. Hún mun kynna vínið nánar hinn 6. janúar næstkomandi en hún segir að vínið sé bruggað undir áhrifum af nýjustu plötu sinni, Confessions on a Dancefloor.

Það er vínframleiðandinn Celebrity Cellars í Kaliforníu sem bruggar vínið fyrir Madonnu úr Cabernet Sauvignon, Barbera og Pinot Grigio-þrúgum. Fyrirtækið selur einnig vín fyrir hönd Rolling Stones, sem er líklega öllu göróttara en það sem poppgyðjan sýpur enda er Keith Richards annálaður drykkjubolti og fær sér viskí í morgunmat samkvæmt goðsögninni. Það er þó ekki enn vitað hvort eða hvenær rauðvínið hennar Madonnu verði fáanlegt í ÁTVR.

Greint frá á visir.is

Heiðar Birnir Kristjánsson
[email protected]