Matvælastofnun varar við: Kartöfluflögur með ófullnægjandi merkingum​

Matvælastofnun varar þá neytendur sem hafa ofnæmi-eða óþol fyrir mjólkurpróteinum við einni framleiðslulotu af Eldorado Rustika chips með Sourcream & Onion sem Atlaga ehf. flytur inn. Varan er vanmerkt og ekki getið um að hún innihaldi mjólkurprótein á innihaldslýsingu. Fyrirtækið í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarnes (HEF)  hefur innkallað vöruna.

Tilkynning kom til Íslands í gegnum RASFF hraðviðvörunarkerfi Evrópu um hættuleg matvæli og fóður á markaði.

Einungis er verið að innkalla eftirfarandi framleiðslulotu:

• Vörumerki: Eldorado
• Vöruheiti: Rustika Chips með Sourcream & Onion
• Framleiðandi: Axfood AB
• Innflytjandi: Atlaga ehf.
• Framleiðsluland: Svíþjóð
• Lotunúmer/best fyrir dagsetningar: 30.07.25
• Geymsluskilyrði: Þurrvara
• Dreifing: Prís, Smáratorgi 3

Neytendur sem keypt hafa viðkomandi vörur eru hvattir til að skila í verslun Prís Smáratorgi 3 og fá endurgreiðslu.

Mynd: mast.is