Tóti er heitur í ár

Við vorum nokkrir sem hittust í gær á Orange til að smakka á og koma með ábendingar og auðvitað var crew 1 frá Freisting.is með, en Tóti er einn af 5 keppendum í úrslitum um Matreiðslumann ársins 2009, sem fer fram í Laugardagshöllinni í dag föstudaginn 8. maí og byrja þeir að skila kl. 16:00.

Mér finnst að vel hafi tekist til með val á próteinum í keppnina og felst dálítil ögrun í valinu, en það hráefni er Hlýri í forrétt og Hrossalund og nautaflatsteik í aðalrétt og skal vera minnst 80% af prótein innihaldi hvors réttar, ábætirinn byggist upp í kringum ávexti.

Það er alltaf gaman að smakka mat eftir Tóta og ekki brást honum bogalistin í þetta sinn frekar en endranær.

Matti myndaði og fylgja þær með hér að neðan.

Ath. útlit á myndunum þarf ekki að endurspegla lokaútlit réttanna.

Þórarinn Eggertsson
Orange Fun & Dining

Myndir: Matthías | /Sverrir