Sjö bjóða í mötuneyti

Sjö aðilar hafa sýnt áhuga á því að bjóða í rekstur mötuneytis fyrir grunn- og leikskóla í Vogum  á Vatnsleysuströnd.

Sveitarfélagið ákvað fyrir nokkru að sameina matreiðslu heitra máltíða fyrir grunn- og leikskóla í Tjarnarsal, sem staðsettur er í Stóru-Vogaskóla. Þá verður húsnæðið og tækjabúnaður leigður út til rekstursins.

Markmiðið með þessari breytingu er að ná fram stærðarhagkvæmni í rekstri eldhúsanna og auka nýtingu og þar með tekjur sveitarfélagsins.

Nokkur áhugi er því fyrir rekstrinum en tilboð verða opnuð 29. maí næstkomandi.

Greint frá á Vf.is

Mynd/vogar.is