Siggi Hall ákærður

Hinn landsþekkti matreiðslumeistari Sigurður Hall hefur verið ákærður fyrir að standa ekki skil á samtals 15 milljóna króna vörslusköttum fyrir hönd einkahlutafélagsins Menu. Aðspurður segist Sigurður ekki vilja tjá sig um málið í fjölmiðlum.

Samkvæmt heimildum Fréttablaðsins er annars vegar um að ræða að ekki hafi verið staðin skil á um 8 milljónum króna í virðisaukaskatt og hins vegar tæpum sjö milljónum í staðgreiðslu tekjuskatts á árunum 2006 og 2007. Aðalmeðferð á að vera í málinu í Héraðsdómi Reykjavíkur á föstudaginn.

Greint frá í Fréttablaðinu

Mynd: Bjarni