Írskir Dagar

Það var laugardaginn 5. júli s.l. sem kallinn tók kúrs í vesturátt, nánar tiltekið Akranes en þar skyldi tekið hús á Sisso matreiðslumeistara og Hafdísi konu hans.

Ferðin gekk þokkalega en það voru nokkrir sem voru að huga að einhverju öðru en akstri, þannig að kallinn setti í rallygírinn og losaðí sig við þessa aðila og plantaði sér fyrir aftan 5 mótorhjólatöffara og notaði þá sem  héra, og gekk ferðin vel eftir það.

Sælkerahjónin Hafdís og Sisso

Greiðlega gekk að rata heim til þeirra og á endanum rann maður á ilminn af matnum.  Margt var um manninn og stöðugur straumur af fólki og allir að koma í sama tilgangi að fá sér írskan mat, var gerður góður rómur að veitingunum og að sögn Sissó sjálfs hafðí hann lagað um 40 lítra af Irish Stewinu á fimmtudeginum en síðan hitað upp eftir þörfum og þegar ég yfirgaf þau voru síðustu 5 lítrarnir að fara í upphitun.

Þetta framtak þeirra hjóna er alveg til fyrirmyndar og má segja að þau taki þátt í Írskum dögum af líf og sál.

Til hamingju segi ég.

Hjálagt eru myndir úr partýinu.

Myndir og texti: /Sverrir