Instagram mynd ágúst mánaðar 2019

Loftur Loftsson

Instagram myndin sem vakti mesta athygli okkar í ágúst s.l. er frá veitingastaðnum Tre Tjenere sem staðsettur er á eyjunni Bornholm, rétt fyrir utan Danmörk.

Á bak við veitingastaðinn standa þjónaparið Tinna Óðinsdóttir og Loftur Loftsson ásamt móður Tinnu, Ásrúnu Gísladóttur.

Sjá einnig: Íslenskir þjónar opna veitingastað á eyjunni Bornholm

Bornholm er hátt skrifaður áfangastaður í matarferðamennsku þar sem íbúafjöldinn er 40 þúsund. Eyjan er oft kölluð “Foodie island” og er margt í boði fyrir matarunnendur, en þar er t.a.m.„slow beer“ brugghús og hágæða hveiti frá Valsemølle sem að Loftur heldur á í meðfylgjandi mynd. Bornholm reykhúsin fylgja gömlum hefðum við reykingu á síld og makríl, Bornholm snapsar eru að ryðja sér til rúms, ásamt handverks-sinnepi og fleiru spennandi í matvælaframleiðslu á eyjunni.

Notið myllumerkið #veitingageirinn á Instagram myndirnar ykkar og þær birtast sjálfkrafa á forsíðunni.

Hágæða vín á Tre Tjenere

Á vínseðli Tre Tjenere eru einungis í boði vín sem eru unnin samkvæmt aldagömlum aðferðum í víngerð, óáreitt gæðavín

Mynd: Instagram / Tre Tjenere