Fleiri myndir frá BCA tilnefningunni

Um síðastliðna helgi fór fram Bartender Choice Awards (BCA) en þar voru aðstandendur Jakob, Joel og Andreas frá Bartender Choice Awards komnir til landsins., bæði til að skoða kokteilmenninguna hér á landi og um leið tilnefna þá aðila og bari sem voru tilnefndir til úrslita í ár.

Tilnefningin var haldin á nýja barnum Gillagogg, Austurstræti með skemmtilegum bransaviðburði á sunnudeginum í samstarfi við Drykk og Diplomatico.

Sjá einnig: Þessir veitingastaðir og Íslendingar eru tilnefndir til BCA 2025 – Myndaveisla

Bartender Choice Awards hefur verið haldið síðan 2010 en hún er stærsta barþjónakeppnin á norðurlöndunum og gengur út á að barþjónar tilnefna þá staði/aðila sem hafa staðið framúr í bransanum á síðasta ári. Ísland tekur þátt núna í sjötta skiptið og hefur íslensk dómnefnd tilnefnt sína aðila.

Þeir sem komust í úrslit, samkvæmt íslensku dómnefndinni.

• Besti barþjónninn:
  • Hrafnkell Ingi Gissurarson frá Skál
  • Jakob Eggertsson frá Daisy/Jungle
  • Martin Cabejsek frá Gillagogg/Kjarval
• Upprennandi barþjóninn (Rising Star)
  • Helga Signý – Tipsy
  • Elvar Halldór Hróar Sigurðsson – Lebowski
  • Kría Freysdóttir – Tipsy
• Besti kokteilbarinn
  • Amma Don
  • Jungle
  • Tipsy
• Besti nýi kokteilbarinn
  • Daisy
  • Gillagogg
  • Litli Barinn
• Bestu framþróunaraðilar bransans:
  • Fannar Logi Jónsson, Ölgerðin
  • Jónas Heiðarr, Jungle/Daisy
  • Teitur Ridderman Schioth, forseti barþjónklúbbsins
• Besta andrúmsloftið
  • Bingo
  • Kaldi bar
  • Tipsy
• Besti kokteilsseðillinn
  • Skál
  • Gilligogg
  • Amma Don
• Besti kokteillinn
  • Austurvallar Swizzle
  • Letsgroni
  • Pistachio
• Besti veitingastaðurinn
  • Skál
  • Sumac
  • Skreið

Verðunin verða veitt á hátíðarkvöldverði Bartenders’ Choice Awards þann 24. mars í Stokkhólmi, Svíþjóð.

Fjöldi gesta mætti á tilnefninguna og var mikil stemmning eins og sjá má á meðfylgjandi myndum sem að Majid tók.