Ferskvaran hjá Innnes flytur

Ferskvaran hjá Innnes flytur lager og dreifingu frá Bæjarflöt í nýjar höfuðstöðvar Innnes að Korngörðum 3 um næstu helgi.

Markmið Innnes er að veita viðskiptavinum sínum enn betri þjónustu í framtíðarhúsnæði okkar. Til að tryggja að flutningar takist með sem minnstri röskun verður lokað fyrir alla samdægursafgreiðslu föstudaginn 27. ágúst.

Pantanir sem verða afgreiddar til viðskiptavina okkar föstudaginn 27. ágúst þurfa því að berast söludeildinni fyrir kl. 16.00, fimmtudaginn 26. ágúst.

Við vonumst til þess að þú, kæri viðskiptavinur, finnir ekki fyrir skertri þjónustu af okkar hendi. Því viljum við biðla til þín að panta vörur tímanlega fyrir föstudaginn. Einnig viljum við biðla til þín að tryggja starfsemi þinni nægar birgðir af nauðsynlegum vörum á meðan á flutningnum stendur.

Við hvetjum þig að hafa samband við okkur í síma 532-4000, ef það koma upp einhverjar spurningar varðandi flutningana.

Með fyrirfram þökk á þessum spennandi tímum sem fram undan eru hjá Innnes og góðan skilning.

Með kveðju
Starfsfólk Innnes ehf.