Ert þú framúrskarandi?

Landslið Íslands í matreiðslu stendur á tímamótum um þessar mundir og verið er að vinna í að skipa nýtt kokkalandslið.

Landslið Íslands í matreiðslu er skipað í fjögur ár í senn og hafa nokkrir meðlimir lokið sinni þátttöku.

Framundan eru spennandi tímar hjá landsliðinu þar sem að liðið hefur verið að ná framúrskarandi árangri í hverri keppninni á fætur annarri, liðið náði sínum langbesta árangri á síðustu Ólympíuleikum þar sem það vann til tvennra gullverðlauna.

Miklar breytingar verða á allri umgjörð liðsins en sem dæmi má nefna verður (sér) landsliðsnefnd sem sér um allt utanumhald liðsins. Nefnd þessi samanstendur af þeim mönnum sem hafa starfað í liðinu í allt að tíu ár.

Ákveðið hefur verið að auglýsa eftir nýjum meðlimum til viðbótar við þá sem halda áfram í liðinu.

Áhugasamir einstaklingar eru hvattir til að sækja um en allar umsóknir verða skoðaðar og þeim svarað.

Fullum trúnaði er heitið!

Eftirfarandi eru hæfniskröfur liðsins:

• Vera útskrifaður matreiðslumaður, konditor eða bakari.
• Hafa mikinn áhuga á keppnum og hafa tekið þátt í keppnum hérlendis eða erlendis.
• Hafa eftirtektarvert orðspor.
• Hafa 100% uppáskrifað samþykki vinnuveitanda.
• Hafa framúrskarandi hæfileika í mannlegum samskiptum.

Fylgja þarf ferilskrá umsækjanda og lýsing á persónulegum hæfileikum og af hverju nefndin ætti að velja viðkomandi í liðið.

Áhugasamir sendið umsóknir ykkar á eftirfarandi veffang. [email protected]
 
Umsóknir skulu berast fyrir 26. apríl 2009.

Virðingarfyllst
Alfreð Ómar Alfreðsson
Forseti Klúbbs Matreiðslumeistara.