Engin matvælabrenna

Lítið virðist ætla að verða úr hinni svokölluðu „matvælabrennu“ Varnarliðsins, sem fjölmiðlar greindu frá fyrir nokkru. Frá því  var greint að brenna þyrfti tugum tonna af fyrsta flokks matvælum, sem fylltu stórmarkaði og frystigeymslur á Vellinum.

Að sögn Friðþórs Eydal, upplýsingafulltrúa VL, eru þessar fullyrðingar orðum auknar. Staðan sé reyndar sú í dag að farið sé að bera á kjötskorti á varnarsvæðinu og er VL farið að kaupa kjöt frá söluaðilum utan Vallar.
Friðþór segir að það sem verði afgangs af öðrum matvælabirgðum s.s. pakka- og niðursuðuvöru, verði sent af landi brott í aðrar birgðastöðvar bandaríksa hersins. Því verði ekki um neina „matvælabrennu“ að ræða.

Gísli R. Eiríksson, stöðvarstjóri Kölku, sagðist ekki vera kunnugt um að til stæði að brenna matvælum í stöðinni, þegar VF hafði samband við hann í morgun.

Greint frá á heimasíðu Víkurfréttar

[email protected]