Markaðurinn
Dineout í samstarf við Google
Dineout hefur unnið sér inn rétt til að bjóða viðskiptavinum sínum upp á Reserve with Google bókunarhnappinn þegar leitað er að veitingastöðum sem notast við bókunarkerfi Dineout í leitarvél Google. Dineout er fyrst allra íslenskra hugbúnaðarfyrirtækja til að fá þennan valmöguleika.
Samstarfið felur í sér að þegar notast er við bæði leitarvél og yfirlitskort Google, Google Search og Google Maps, til að afla upplýsinga um veitingastaði, birtist bókunarhnappur á Google síðu veitingastaðarins þar sem notandi fer beint á bókunarsíðu staðarins. Með þessu móti styttist tíminn sem það tekur að afla sér upplýsinga um vefsíður og bókanir veitingastaða.
Inga Tinna Sigurðardóttir, forstjóri og eigandi Dineout:
„Þetta er gríðarlega mikill heiður fyrir Dineout og okkar viðskiptavini og er ekki sjálfgefið að hljóta þessa viðurkenningu. Við höfum farið í gegnum langt og strangt ferli hjá Google og er samstarf sem þetta stórar fréttir fyrir íslenska hugbúnaðargeirann í heild og þá veitingastaði sem bjóða upp á borðabókanir hér á landi.
Við hlökkum til að kynna okkar viðskiptavini fyrir þessum nýja valmöguleika sem hlýst einna helst þar sem Dineout er með yfir 95% markaðshlutdeild á innlendum markaði og þjónustar rúmlega 400 samstarfsaðila.“
Talið er tilkoma samstarfsins muni auka bókanir á þá veitingastaði sem notast við kerfi Dineout, þar sem ferðamenn notast við bókunarhnappinn í miklum mæli erlendis. Því mun bókunarhnappurinn án efa gera það að verkum að mun auðveldara verður fyrir þennan hóp að bóka borð á þeim stöðum sem notast við lausnir Dineout.
Um Reserve with Google:
Reserve with Google er eiginleiki sem gerir fyrirtækjum kleift að birta og stjórna tímabókunum sínum beint á Google fyrirtækjaprófílnum sínum. Markmiðið er að einfalda bókunarferlið fyrir bæði eigendur fyrirtækja og hugsanlega viðskiptavini.
Viðskiptavinir geta skipulagt bókanir með nokkrum smellum án þess að yfirgefa svæði Google, sem gerir það að þægilegri og notendavænni lausn. Fyrir eigendur fyrirtækja þýðir tenging við Reserve with Google færri glötuð tækifæri og skilvirkari tímabókanir.
Frekari upplýsingar um Reserve with Google má nálgast hér.
-
Markaðurinn6 dagar síðanVel heppnaður haustfagnaður hjá John Lindsay
-
Markaðurinn3 dagar síðanBeittir Hnífar sameinast nýju fyrirtæki – Glóðin veitingavörur tekur til starfa
-
Markaðurinn2 dagar síðanLaufey og Collab vinna alþjóðleg verðlaun fyrir bestu markaðsherferðina
-
Markaðurinn3 dagar síðanKomið víða við í heimsókn KAI til Íslands
-
Viðtöl, örfréttir & frumraun2 dagar síðanFullt hús og mikil stemning á afmælishátíð Café Riis
-
Viðtöl, örfréttir & frumraun5 dagar síðanKokkakonur boða til stofnfundar í Bryggjuhúsinu
-
Keppni4 dagar síðanFramúrskarandi hæfileikar verðlaunaðir í Eftirrétti ársins og Konfektmola ársins 2026
-
Keppni3 dagar síðanLisa Dagnäs valin konditor ársins í Svíþjóð 2026



