Bauð hálfa milljón í kvöldverð hjá Gordon Ramsay

Í vikunni sem leið var uppboð hjá matarhátíðinni London Restaurant Festival sem er einskonar Food and Fun hátíð sem við hér á íslandi þekkjum, var boðið í kvöldverð hjá meistaranum Gordon Ramsay og ekki á einum af hans veitingastað, heldur einu af hylkjum í London Eye, sem verður umbreytt í eldhús.

Sá sem hreppti gossið á litlar hálfa milljón vill ekki gefa upp nafn, en hann mun án efa fá glæsilegan kvöldverð í 135 metra hæð yfir höfuðborgina.

Matarhátíðin stendur yfir frá 8. – 14. október og eru tíu miðar í boði á sérstöku uppboði, þar sem hægt verður að fá stjörnukokka til að elda fyrir sig einkakvöldverð í einu af hylkjum London Eye og eru þetta allt saman vel þekktir matreiðslumenn sem koma til með að elda, en það eru:

Richard Corrigan (Corrigan’s Mayfair)
Francesco Mazzei (L’Anima)
Vineet Bhatia (Rasoi Vineet Bhatia)
Tong Chee Hwee (Hakkasan)
Ross Shonhan ( Zuma)
Alan Bird and Gary Lee (The Ivy)

Það er spurning hvort þetta sé góð hugmynd fyrir landslið matreiðslumanna að ná sér í góðan pening fyrir heimsmeistarakeppnina 2010, en þá er bara spurningin hvaða óvenjulegi staður myndi henta hér á íslandi?

Heimasíða matarhátíðarinnar: www.visitlondon.com/londonrestaurantfestival

/Smári