Bændur eignast Norðlenska að fullu

Heimildir Fréttavefjar Morgunblaðsins herma að Búsæld, sem er félag kjötframleiðenda í Eyjafirði, Þingeyjarsýslum og á Austur- og Suðausturlandi hafi gengið frá kaupum á 45,45% hlut KEA og kaupi einnig hluti Akureyrarbæjar, Norðurþings og Eignarhaldsfélagsins Samvinnutrygginga.

Búsæld greiðir, skv. sömu heimildum, rúmar 400 milljónir króna fyrir hlut KEA og alls samtals tæplega 570 milljónir króna fyrir hlut allra þessara fjögurra hluthafa.

Norðlenska er eitt stærsta fyrirtæki á Norðurlandi, með starfsemi bæði á Akureyri og Húsavík. Ársverk þar eru hátt í 200, en nokkrir starfa einnig á vegum Norðlenska á Höfn í Hornafirði og í Reykjavík.

Skv. heimildum Fréttavefjar Morgunblaðsins hefur einnig verið gengið frá samningi við félag í eigu bræðranna Eiðs og Hreins Gunnlaugssona, í kjötvinnslufyrirtækinu Kjarnafæði, um að það kaupi húsnæði Norðlenska á Akureyri. Starfsemin verður þar áfram en fyrirtækið leigir húsnæði af félagi bræðranna.

[email protected]