Nýr veitingastaður á Ísafirði

Eiríkur Gísli Johansson t.v. og Halldór Karl Valsson
Mynd tekin af þeim félögum sýningunni Matur 2006 sem haldin var dagana 30.mars – 2. apríl 2006 í Fífunni, sýningarhöll Kópavogsbæjar.

Þeir félagar Halldór Karl Valsson og Eiríkur Gísli Johansson tóku við rekstri veitingastaðar á hótel Ísafirði af SKG-veitingum miðvikudaginn 1. ágúst s.l. og heitir nýi veitingastaðurinn Við Pollinn.

Þeir hófu reksturinn með afgreiðslu á morgunmatnum og hefur verið syngjandi sveifla síðan og góð viðbrögð hjá bæjarbúum.

Freisting.is heyrði í þeim félögum í dag sem voru hinir hressustu eftir strembna Verslunarmannahelgi, en þeir sáu um alla matarsölu á hinni geysivinsælu mýrarboltakeppni þar sem hundruðir manna snæddu hjá þeim um helgina.

Halldór lærði fræðin sín á Hótel Sögu og Eiríkur hjá fyrrverandi rekstraraðilum SKG-veitingum en hann útskrifaðist sem matreiðslumaður í fyrra og og hefur unnið hjá þeim frá útskrift.

Við lögðum fyrir þá nokkrar spurningar:

Hvaðan kemur nafnið Við Pollinn?
Þegar litið er út um glugggann þá sést Pollinn í Skutulsfirði.

Hvað tekur salurinn marga í sæti, þá bæði í A la carte og hópa?
110 manns í sæti.

Auglýsingapláss

Er mikið pantað framundan?
það er vel pantað hjá okkur, langt fram á næsta ár.

Nýi matseðillinn er í mótun og er sá gamli enn í notkun, en reiknað er með að nýi matseðillinn fari í gagnið snemma í september.

Við hér hjá Freisting.is óskum þeim félögum velfarnar á komandi árum með nýja veitingastaðinn Við Pollinn.