Samtök ferðaþjónustunnar sektuð um 45 milljónir vegna brota á samkeppnislögum | Rannsókn hófst árið 2006

Samtök ferðaþjónustunnar (SAF) hafa fallist á að greiða 45 milljónir króna í sekt vegna brota á samkeppnislögum. SAF hafa gert sátt við Samkeppniseftirlitið þar sem þau viðurkenna að hafa brotið gegn samkeppnislögum.

Brotin sem um ræðir fólust m.a. í að safna verðupplýsingum fyrirtækja í ferðaþjónustu á skipulegan hátt sem í þeim tilgangi að miðla þeim til aðildarfyrirtækja sinna og hvetja til hækkunar á verði og/eða viðhaldi verðs, að því er fram kemur á vefnum visir.is.

Þá hafi SAF stuðlaði að samræmdum skilmálum fyrirtækja á ferðaþjónustumarkaði. Auk þess hafi SAF aðstoðað við, og gefið út sjálf til aðildarfyrirtækja, leiðbeiningar fyrir ýmis gjöld sem fyrirtækin innheimta, t.a.m. gjald fyrir afpantanir á þjónustu.

SAF hefur einnig fallist á að gera frekari breytingar á starfsemi sinni og innleiða m.a. samkeppnisréttaráætlun sem og að tryggja að stjórnendur og starfsmenn SAF, sem og aðildarfyrirtækja samtakanna, séu ávallt að fullu upplýstir um þær kröfur sem samkeppnisreglur gera til starfsemi fyrirtækja og samtaka fyrirtækja á samkeppnismörkuðum.

Rannsókn hófst árið 2006

Rannsókn málsins hófst árið 2006 en húsleit var gerð hjá SAF í mars 2007. Rannsókn málsins lauk í desember 2013. Sáttin nær til ársins 2013 en fram til þess tíma lágu inni á vefsíðu samtakanna leiðbeiningar og reglur frá fyrri tíð varðandi viðskiptaskilmála til handa aðildarfyrirtækjum að fara eftir.  Greint frá á visir.is.

Breytingar til framtíðar

Mikilvægt er að vinna gegn því að sams konar háttsemi endurtaki sig á ferðaþjónustumarkaði og stuðla þannig að virkari samkeppni til frambúðar á mikilvægum markaði. Samhliða því að viðurkenna brot og fallast á greiðslu stjórnvaldssektar vegna þess hefur SAF því einnig fallist á að gera frekari breytingar á starfsemi sinni og innleiða m.a. samkeppnisréttaráætlun sem og að tryggja að stjórnendur og starfsmenn SAF, sem og aðildarfyrirtækja samtakanna, séu ávallt að fullu upplýstir um þær kröfur sem samkeppnisreglur gera til starfsemi fyrirtækja og samtaka fyrirtækja á samkeppnismörkuðum, segir á vefnum samkeppni.is.

Ferðaþjónusta er ein af undirstöðum íslensks efnahagslífs

Það er afar mikilvægt fyrir áframhaldandi framþróun greinarinnar og efnahagslífið í heild að hún sé reist á stoðum heilbrigðrar samkeppni. Samkeppni leiðir til aukinnar skilvirkni fyrirtækja og eykur líkur á að nýir keppinautar komi inn á markaði og veiti þeim sem eru óskilvirkari samkeppni. Samkeppni býr einnig í haginn fyrir nýsköpun sem elur af sér ný atvinnutækifæri.

Á samkeppni.is kemur fram að þetta ferli leiðir síðan af sér aukna framleiðni og efnahagsframfarir. Samhliða nýtur neytandinn betra verðs, gæða og úrvals. Skilyrði þau sem sett hafa verið í ákvörðun þessari stuðla að því að áframhaldandi uppbygging ferðaþjónustu á Íslandi byggi á þessum forsendum.

Mynd: úr safni