Veitingahús í Slysavarnahúsið

Nýja bryggjan.
Eftir breytingarnar getur fólk notið veitinga utandyra.
Tölvumynd: ​Trípólí arkitektar

Borgarráð hefur samþykkt að auglýsa breytingu á deiliskipulagi Örfiriseyjar vegna lóðar nr. 14 við Grandagarð. Á lóðinni stendur hús sem Slysavarnafélag Íslands reisti upp úr miðri síðustu öld.

Gert er ráð fyrir veitingarekstri á 1. og 2. hæð hússins og mun 2ja hæða rýmið og svalir umhverfis það nýtast sem veitingasalur með útsýni yfir höfnina. Til þess að opna veitingastaðinn á jarðhæð betur gagnvart götu eru gluggar austan megin við aðalinngang gerðir gólfsíðir, að því er fram kemur á vef Morgunblaðsins sem fjallar nánar um breytingarnar.