Unnur keppir í dag

Keppendur skoðuðu kryddjurtagarðinn hjá Hótel- og veitingaskólanum í Valby í Danmörku.
Að því loknu fékk hver keppandi að tína jurtir til að nota í réttina sína í dag.

Í dag fer fram keppnin Deaf Chef í Hótel- og veitingaskólanum í Valby í Danmörku og fulltrúi Íslands er Unnur Pétursdóttir matreiðslumaður.

Dagurinn í gær fór í mestu að kynnast öðrum keppendum og kanna aðstæður í eldhúsinu.  Keppendur koma frá löndum Danmörku, Svíþjóð, Englandi, Frakklandi, Spáni, Kanada og Bandaríkjunum.  Eftir að keppendur höfðu skoðað eldhúsið var farið á veitingastaðinn Papirøen street food Copenhagen í kvöldmat.

Unnur er númer sex í röðinni og byrjar klukkan 09:20 og þarf að útbúa þriggja rétta kvöldverð, 5 diska fyrir hvern rétt og einn sýningardisk og skilar eftirréttinum klukkan 15:10 í dag.

Matseðill Unnar er:

Í forrétt verður þorskrúlla með dillolíu-þorskfarsi, ostrursalati, sellerí mauk, ætiþistla teninga, shallot lauk, brenndan blaðlauk, fiskósu og dill.

Í aðalréttinum ætlar Unnur að vera með kanínarúllu, kanínu confit, rauðlauksultu, sinnep, kartöflur með blaðlauks fyllingu, grænafroðu, Rauðvínsósu með svínatungu, gulrótamauk og kerfil.

Eftirrétturinn inniheldur valhnetu deig, Créme anglaise, epli, hunangsfrauð, valhnetu crumble, eplakúlu, karamellu og tuile.

Kolbrún Völkudóttir aðstoðarkona og Unnur Pétursdóttir

Fleira tengt efni:

Unnur er komin til Danmerkur – Með nær 100 kíló af eldhúsgræjum í farangrinum

Unnur Pétursdóttir keppir í Deaf Chef í Danmörku

Myndir: Unnur Pétursdóttir