Tebolli á kaffihúsi

Neytendasamtökin könnuðu verð á tebolla á kaffihúsum borgarinnar. Lægsta verðið var á Kaffi Sólon en það hæsta á Kaffi París, Íslenska Barnum og Svarta Kaffi.  Verðmunurinn reyndist lítill en 16,7% er á milli hæsta og lægsta verðs.

Talsverður munur getur verið á gæðum tesins og hvað er innifalið í verðinu. Flest kaffihús virðast bjóða uppá tepott sem dugar þá í 2-3 bolla, en sumsstaðar fær maður einungis einn tebolla. Kaffi Sólon, Kaffitár og Te & kaffi bjóða öll upp á tepott m/ 1 tepoka eða lauf. Á Café Mílanó færðu 2 tepoka með tebollanum og fylgir með ábót af vatni. Kaffi París býður uppá 1 tepoka, tepott og súkkulaðimola. Íslenski barinn er með 1 tepoka og tepott og á Svarta Kaffi færðu 1 tepoka og tebolla.

Heimild: Neytendasamtökin

/Smári