Jólabjórinn að klárast

Jólabjórinn er að seljast upp í Danmörku. Dagblaðið Jydske Vestkysten hefur í dag eftir talsmanni Samtaka brugghúsa að salan hafi verið sérstaklega góð í ár.

Í samtökunum eru 40 brugghús af 102. Í flestum þeirra er jólabjórinn uppseldur, að sögn talsmannsins. Hann segir erfitt að meta fyrirfram hversu mikil salan verði í aðdraganda jólanna.

Enginn vilji að birgðirnar gangi til þurrðar löngu fyrir jól. Þá sé það fjárhagslegt áfall fyrir brugghúsin að sitja uppi með mikið af jólabjór eftir jól. Drykk sem enginn vilji lengur líta við. Ekki dugi að lækka verðið.

Það komi þá niður á sölu annarra tegunda.  Síðan dali sala á bjór alla jafna eftir jól og áramót, þegar fólk strengir þess heit að hefja heilsusamlegt líferni.

Greint frá á vef Ríkisútvarpsins
[email protected]