Japönsku hnífarnir frá KAI fást hjá Ásbirni

Japönsku gæðahnífarnir frá KAI eru framleiddir í Seki borg í Japan, en borgin hefur verið miðstöð framleiðslu Samúræjasverða og -hnífa í yfir 700 ár. Hér sameinast aldagamlar hefðir japanskra Samurai járnsmiða og nútíma tækni, sem svo skilar sér í hágæða eldhúshnífum.

Shun Classic hnífarnir frá KAI eru einstaklega vandaðir hnífar þar sem hönnun, tækni og japanskt handverk eru í heiðri höfð. Kjarninn í hnífunum er framleiddur úr einstaklega hörðu VG Max „ofur-stáli“ 61 (±) með 32 lögum af Damascus stáli til að skapa einstaklega fallegt ryðfrítt blað.

Það þýðir að hnífarnir eru mjög beittir og halda bitinu lengur. Skaftið er svo klætt svörtum pakkavið sem er þrýst upp að stálinu og fellur sérstaklega vel í hendi.

Shun Premier línan frá KAI er unnin í samstarfi með þýska stjörnukokkinum Tim Mälzer og eru hannaðir til að uppfylla þarfir og kröfur atvinnukokka. Kjarninn á hnífunum er úr gríðarlega hörðu VG-MAX stáli og ofan á það bætast 32 lög af Damascus stáli með hamraðri áferð.

Harðleikinn á blaðinu er 61 ±1 HRC sem þykir einstaklega hart og tryggir að hnífurinn viðhaldi beittu blaði í langan tíma. Handfangið er úr valhnetu og fellur sérstaklega vel í hendi.

Wasabi hnífarnir frá KAI eru vandaðir hnífar úr ryðfríu stáli. Allir hnífarnir í Wasabi línunni eru með skafti úr pólýprópelíni og bambusdufti sem heldur örverunum frá. Skaftið er að auki steypt utan um hnífinn svo engin óhreinindi smjúga á milli hnífsins og skaftsins.

Mælt er með að fylgja leiðbeiningum um viðhald á KAI hnífunum og ekki má setja þá í uppþvottavél, en það hefur bæði áhrif á bit hnífana ásamt efnivið handfangsins. Mælt er með mýkri tré eða plast skurðbrettum.

Skoða KAI hnífa hér.