Innköllun á Fireball

Haugen-Gruppen ehf. hefur, í samráði við matvælaeftirlit Heilbrigðiseftirlits Reykjavíkur, ákveðið að innkalla frá neytendum Fireball kanilviskí. Framleiðandi Fireball, Sazerac Company í Bandaríkjunum, sendi fyrir mistök Fireball sem ætlaður var innlendum markaði en ekki evrópskum.

Fireball fyrir bandaríkjamarkað inniheldur 5,8 grömm af propylene glycol í hverjum líter en evrópskar reglur heimila 1 gr. per líter.

Þótt öll eðlileg notkun vörunnar er fullkomlega hættulaus hefur verið ákveðið að innkalla vöruna af markaði þar sem hún uppfyllir ekki EU reglur sem innleiddar hafa verið á Íslandi.

Haugen-Gruppen ehf. hvetur viðskiptavini sem hafi umrædda vörutegund undir höndum að skila vörunni til næstu Vínbúðar þar sem viðskiptavinir geta fengið vöruna endurgreidda.

Ástæða innköllunar: Of hátt gildi af propylene glycol, 5,8 gr. per líter.

Vöruheiti: Fireball kanilviskí

Framleiðandi: Sazerac Company, Inc.

Innflytjandi: Haugen-Gruppen ehf, Skútuvogi 1F, 104 Reykjavíl

Dreifing: Vínbúðir ÁTVR

Haugen-Gruppen ehf.